| नवी दिल्ली | चंद्रकांत पाटील हे आता गुजरात भाजपचे नवे अध्यक्ष असतील. हे वाक्य ऐकल्यानंतर आपण अजिबात गोंधळू नका. नाही नाही महाराष्ट्राच्या राजकारणात उलथापालथ नाही झाली. कारण हे चंद्रकांत पाटील म्हणजे सीआर पाटील आहेत गुजरातचे. आज भाजपने त्यांची गुजरात प्रदेशाध्यक्षपदी निवड केली आहे.
गुजरात मध्ये २०२२ मध्ये विधानसभा निवडणुका होणार आहेत त्या पार्श्वभूमीवर हा महत्त्वाचा बदल करण्यात आला आहे. या नियुक्तीमुळे एकाच नावाचे दोन व्यक्ती दोन वेगवेगळ्या राज्यात एकाच पक्षाकडून प्रदेशाध्यक्ष या एकाच पदावर नियुक्त ठेवण्याचा अनोखा योग मात्र दिसतोय.
सी आर पाटील हे २०१९ मध्ये लोकसभेवर तिसऱ्यांदा निवडून आले आहेत. गुजरात मधले मोदींचे सर्वात जवळचे खासदार अशी त्यांची ओळख दिल्लीत आहे. मोदींच्या वाराणसी मतदारसंघातल्या कामावर देखरेख ठेवण्याचे काम सीआर पाटील पाहायचे. खासदारांना शासकीय बंगल्याचे वाटप करणाऱ्या हाउसिंग कमिटीवर अध्यक्ष म्हणूनही त्यांची सध्या नियुक्ती आहे. ६५ वर्षांचे जीआर पाटील हे हे मूळचे जळगाव मधील १९८९ मध्ये त्यांनी भाजपमध्ये प्रवेश केला. सुरुवातीला सुरत मध्ये स्थानिक पातळीवर ती वेगवेगळी पदे सांभाळली. २००९ मध्ये ते पहिल्यांदा खासदार झाले. सी आर पाटील हे मराठी व्यक्ती गुजरात भाजपची धुरा सांभाळताना दिसतील. दरम्यान, काही दिवसांपूर्वी काँग्रेसने हार्दिक पटेल यांची गुजरात कार्याध्यक्ष म्हणून नियुक्ती केली होती. त्यामुळे गुजरातच्या राजकारणात पटेल विरुद्ध पाटील ही लढाई कशी रंगते हे पाहणं उत्सुकतेचे असेल.
- वसुली करणाऱ्यांना वसुली सोडून तसेही दुसरे काही सुचते असे नाहीच.
- निंबाळकर VS मोहिते पाटील; माढा मतदारसंघात कोणाचे वर्चस्व, कोणाकडे किती संपत्ती ?
- बारामतीमधून ‘शरद पवार’ही मैदानात, उमेदवारी अर्ज दाखल केल्यानंतर एकच चर्चा
- ‘एका व्यक्तीची इच्छा..’; संविधान बदलण्यासाठी ‘रामायण’ फेम गोवील यांचा पाठिंबा?
- तिसरीच्या विद्यार्थ्याची स्कूल फी 30 हजार रुपये, सोशल मीडियात पालकांचा रोष
