( मा. शिवसेनाप्रमुख गेलेत.. तेव्हा त्यांना वाहिलेली आदरांजली..!)
तू वेगळा सेनापती अन वेगळे सरकार तू..
तू ढाल अन तलवार तू, सैनिक तू सरदार तू..
योगी तसा सम्राट तू, साधा तसा भन्नाट तू..
तू मोकळ्या माळापरी, रानापरी घनदाट तू!!
तू पोर्णिमा, तू चांदणे,ठिणगीही तू, ज्वालाही तू..
तू वेदना, संवेदना, तू कुंचला, भालाही तू..
तू गर्जना, हळुवार तू, तू बासरी, रणशिंग तू..
फेसाळती मैफिल तू, जगण्यातली अन झिंग तू !!
शब्दात तू, रेषात तू, रागात तू, त्वेषात तू..
इन्कार तू, स्वीकार तू, स्नेहात तू, द्वेषात तू..
आभाळ तू, आधार तू, रक्तातला विश्वास तू..
कधी भासला सर्वस्व तू, कधी भासला आभास तू !!
पहाडात तू, रानात तू, झाडात तू, पानात तू..
स्वप्नात तू, श्वासात तू, मंत्रापरी कानात तू..
तू पेरला पुरुषार्थ अन आभाळही केले खुले..
तुझीयाविना बापा कुठे जातील ही वेडी मुले ?!
– ज्ञानेश वाकुडकर, नागपूर
- गणेश नाईक आंदोलनावर की आंदोलनाच्या नेतृत्वावर नाराज.?
- ठाकरे सरकारचा अजून एक स्तुत्य निर्णय; अनुसूचित जातीतील ९०% अधिक गुण प्राप्त विद्यार्थांना मिळणारं ‘ ‘इतके’ लाख..!
- विधिमंडळाचे अधिवेशन केवळ दोन दिवस; प्रश्नोत्तरे, तारांकित आणि लक्षवेधी यांना कामकाजातून डच्चू..!
- | शब्दाला जागणारा नेता | जव्हार येथील ३ अनाथ मुलींना दिले हक्काचे पक्के घर, नगरविकास मंत्री एकनाथ शिंदे यांनी दिलेला शब्द केला पूर्ण..!
- भारतीय ब्रेन ड्रेन थांबवून शिक्षणामध्ये होत असलेल्या नवीन प्रयोगांविषयी समाजाला माहिती द्यावी – सुनील आंबेकर
