मुंबई : सूर्यकुमार यादवला राष्ट्रीय क्रिकेट अकादमीने फिट घोषित केले आहे. पण फिट ठरल्यावर लगेच खेळाडूला खेळवायचे की नाही, हा मोठा असतो. कारण खेळाडूला लगेच दुखापत झाली तर त्याला मोठ्या कालावधीसाठी संघाबाहेर राहावे लागू शकते. त्यामुळे आता सूर्या फिट ठरला आहे. पण त्याला खेळवाचे की नाही, याबाबतचा निर्णय मुंबई इंडियन्स कसा घेणार, हे आता समोर आले आहे.
सूर्या हा दक्षिण आफ्रिकेच्या दौऱ्यातून दुखापतीमधून बाहेर पडला होता. त्यामुळे सूर्या गेल्या तीन महिन्यांपासून संघाबाहेर होता. परदेशात जाऊन सूर्या शस्त्रक्रीया करून आला आणि त्यानंतर त्याला राष्ट्रीय क्रिकेट अकादमीमध्ये पाठवण्यात आले होते. राष्ट्रीय क्रिकेट अकादमीमध्ये सूर्याची आयपीएलपूर्वी फिटनेस टेस्ट झाली होती. पण या टेस्टमध्य तो नापास ठरला होता. दुसऱ्या टेस्टमध्येही त्याला पास होण्यात अपयश आले होते. पण आता तिसऱ्या टेस्टमध्ये मात्र तो पास ठरला आणि मुंबई इंडियन्सच्या टीममध्ये दाखल झाला आहे. पण आता लगेच सूर्याला खेळवायचे की नाही, हा मुंबई इंडिन्सचा संघ कसा निर्णय घेणार, हे आता समोर आले आहे.
सूर्या फिट आहे, पण त्याला खेळवायचे की नाही हा निर्णय मुंबई इंडियन्सचे प्रशिक्षक त्यांच्या संघ मालकांना सांगतील. कारण प्रथम सूर्याला नेट्समध्ये सराव करायला लावतील. सूर्या हा नेट्समध्ये कसा सराव करतो, त्याचा हात-पाय कसे हलतात, त्याची चेंडूवरील नजर कशी आहे, फटका मारताना त्याची बॅट कशी येते, या आणि अशा काही तांत्रिक गोष्टी पाहिल्या जातील. सरावातील या महत्वाच्या गोष्टींमध्ये जर सूर्या पास झाला तर प्रशिक्षक ही गोष्ट संघ मालकांना सांगतील आणि त्यानंतर सूर्याला खेळवायचे की नाही, याबाबतचा अंतिम निर्णय घेतला जाईल. त्यामुळे सूर्या कसा सराव करतो, यावर आता तो कधी खेळणार हे स्पष्ट होऊ शकते.
सूर्या आता फिट झाला आहे. पण फिट होणं आणि सामना खेळणं या दोन वेगवेगळ्या गोष्टी आहेत. कारण खेळाडू फिट असला तरी त्याला लयीत येण्यासाठी फॉर्म हा महत्वाचा समजला जातो. खेळाडूला फॉर्मात यायचे असेल तर काही तांत्रिक गोष्टंवर भर द्यावा लागतो. त्यामुळे सूर्या आता सरावत कसा पास होतो, यावर तो रविवारी मुंबई इंडियन्स आणि दिल्ली कॅपिटल्स यांच्यातील सामना खेळणार की नाही, हे स्पष्ट होणार आहे.