| मुंबई | राज्यात कोरोनाचा कहर सुरूच आहे. अनेक राजकीय नेते आणि मंत्री देखील प्रत्यक्ष काम करत असल्याने कोरोनाच्या विळख्यात सापडत आहेत. काँग्रेस आमदार आणि मुंबईचे पालकमंत्री अस्लम शेख हे देखील कोरोना पॉझिटिव्ह आढळले. त्यांच्या कोरोनाची कोणतीही लक्षणे नसून त्यांनी स्वतःला घरातच आयसोलेट केले आहे. अस्लम शेख यांनी ट्विटरवरुन ही माहिती दिली. अस्लम शेख यांनी कोरोना काळात मुंबईतील अनेक कोरोना हॉटस्पॉट भागात पाहणी दौरे केले आहेत.
“मी कोरोना पॉझिटिव्ह आढळलो आहे. मला सध्या कोणतीही लक्षणे नसून स्वत:ला आयसोलेट करुन घेत आहे. माझ्या निकटच्या संपर्कात आलेल्या व्यक्तींनी कोरोना चाचणी करुन घ्यावी” अशी विनंती देखील अस्लम शेख यांनी केली. “मी माझ्या राज्यातील लोकांची सेवा करण्यासाठी घरातून काम करत राहणार आहे.” असेही अस्लम शेख यांनी सांगितले.
यापूर्वी राज्यातील अनेक नेते आणि मंत्र्यांना कोरोनाची लागण झाली. काँग्रेसचे नेते आणि सार्वजनिक बांधकाम मंत्री अशोक चव्हाण राष्ट्रवादीचे नेते आणि गृहनिर्माण मंत्री जितेंद्र आव्हान, सामाजिक न्याय मंत्री धनंजय मुंडे यांना कोरोनाची लागण झाली होती. या तिन्ही मंत्र्यांनी कोरोनावर मात केली.
- सलमान खानच्या घरावर 40 गोळ्या झाडण्याचे आदेश होते, आरोपींचा धक्कादायक खुलासा
- लोकसभा निवडणुकीत मतदानात होतेय हेराफेरी ? जाणून घ्या व्हायरल व्हिडिओचं सत्य
- कंपनी असावी तर अशी… IT कंपनीने बाजारपेठेत उडवली खळबळ, लाभांशाची करणार लयलूट
- मुख्यमंत्री शिंदेंकडून ‘लाव रे तो व्हिडिओ’, उद्धव ठाकरेंची जुनी क्लिप दाखवत बोचरी टीका
- वसुली करणाऱ्यांना वसुली सोडून तसेही दुसरे काही सुचते असे नाहीच.