| गुजरात | कोरोना एकदा होऊन गेला की पुन्हा होत नाही, या समजाला छेद देणाऱ्या घटना हाँगकाँग, बेल्जियम नेदरलँड्समध्ये घडल्या होत्या. आता भारतातही असं उदाहरण समोर आलं आहे. काही रुग्णांना एकदा संसर्ग होऊन बरं झाल्यानंतरही पुन्हा कोरोनाची लागण झाल्यांचं निष्पन्न झालं आहे. त्यामुळे वैद्यकीय क्षेत्रातही चिंता वाढली आहे. गुजरातच्या अहमदाबादमधील ५४ वर्षीय महिला कोरोनाग्रस्त होऊन बरी झाल्यानंतर पुन्हा कोरोना पॉझिटिव्ह आढळून आली आहे. २३ ऑगस्ट रोजी RT-PCR तपासणीत ती कोरोना पॉझिटिव्ह असल्याचं निष्पन्न झालं आहे. याआधी एप्रिलमध्ये कोरोनाचा संसर्ग झाल्यानंतर ही महिला कोरोनामुक्त झाली होती.
मंगळवारी इसानपूर रुग्णालयातील डॉक्टरांनी दावा केला की, ‘एप्रिलमध्ये कोरोनाग्रस्त असल्यामुळे उपचारानंतर संबंधित महिला कोरोनामुक्त झाली होती. परंतु, आता या महिलेला पुन्हा एकदा कोरोनाचा संसर्ग झाला आहे.’ डॉक्टरांचं असं म्हणणं आहे की, कदाचित एकदा लागण झाल्यानंतरही पुन्हा कोरोनाची लागण झाल्याचं उदाहरण असू शकतं. रतन रुग्णालयात महिलेवर उपचार करणाऱ्या डॉक्टर प्रज्ञनेश वोरा यांनी सांगितलं की, ‘या प्रकरणात महिलेला कोरोनाचा पुन्हा संसर्ग झाल्याचं दिसत आहे. चार महिन्यांपर्यंत या महिलेला कोणत्याही समस्या उद्भवल्या
नव्हत्या. परंतु, चार महिन्यांनी महिलेत पुन्हा एकदा कोरोनाची लक्षणं दिसून आली. याआधी महिलेचा रिपोर्ट दोन वेळा नेगेटिव्ह आला होता.’
सूत्रांच्या माहितीनुसार, १८ एप्रिल रोजी महिलेला कोरोना झाल्याचं निष्पन्न झालं होतं. त्यानंतर तिला अहमदाबादच्या सिविल रुग्णालयात दाखल करण्यात आलं होतं. तिथे तिची दोनदा कोरोना चाचणी करण्यात आली असून त्यात ती महिला नेगेटिव्ह आढळून आली. २० ऑगस्ट रोजी महिला रेपिड अँन्टीजन टेस्टमध्ये पुन्हा एकदा कोरोना पॉझिटिव्ह असल्याचं आढळून आलं. पहिल्यांदा नेगेटिव्ह आल्यानंतरही चार महिन्यांनी म्हणजेच, २३ ऑगस्ट रोजी RT-PCR मध्ये महिला कोरोना पॉझिटिव्ह असल्याचं निष्पन्न झालं.
एकंदरीत, यामुळे पुन्हा दुसऱ्या फेजकडे कोरोनाचे संक्रमण होत आहे का..? की एवढ्या कालावधी नंतर शरीरातील कोरोना विरूद्ध तयार झालेल्या अँटी बॉडी कोरोना रोखण्यासाठी कमकुवत ठरतात का.? पुन्हा संसर्ग होत असेल तर कोरोनाची घातक क्षमता वाढत आहे का? आदी बाबींवर संशोधकांना लक्ष द्यावे लागणार आहे.
- जळगावात तरुणीची अत्याचार करून हत्या
- तिहेरी हत्याकांडाने हादरला रायगड जिल्हा…एकाच कुटुंबातील तिघांची निर्घृण हत्या
7 महिन्याच्या गर्भवती महिलेच्या हत्येने हुतात्म्यांची भूमी सुन्न.. - महाराष्ट्र राज्य जुनी पेन्शन संघटना ठाणे महापालिका जिल्हा कार्यकारिणी स्थापन
राज्य कोषाध्यक्ष श्री अरुण बडे आणि ठाणे जिल्ह्या अध्यक्ष अरुण कराळे यांच्या निरीक्षणात पार पडली सभा - मिरा भाईंदर महानगरपालिका क्षेत्रातील सी.सी टीव्हीसाठीचे मध्यवर्ती शाळा नियंत्रण कक्षाचे दूरदूरश्यप्रणालीद्वारे मुख्यमंत्री एकनाथ शिंदे यांच्या हस्ते लोकार्पण संपन्न
*मिरा-भाईंदर महानगरपालिकेचे अनुकरण इतर महानगरपालिकांनीही करावे – मुख्यमंत्री - कार्यसम्राट दमदार आमदार महेंद्रशेठ थोरवे ६०००० च्या मताधिक्याने विधानसभेवर जाणार…पालकमंत्री उदयजी सामंत यांचे प्रतिपादन .
महाआघाडी सह मनसेलाही खिंडार…आमदार थोरवेंचा जलवा कायम .