आपल्या आधार कार्डला कोणता नंबर जोडला आहे, असे घ्या जाणून..!

| मुंबई | ‘आधार कार्ड’ हे आजच्या घडीला आपल्या सर्वांसाठीच महत्त्वाचे ओळखपत्र बनले आहे. बँकेत खाते उघडायचे असेल किंवा रेशन दुकानावर धान्य घ्यायचे असेल, प्रत्येक गोष्टीसाठी आधार कार्ड असणे आवश्यक आहे.

या नियमांप्रमाणे आपल्या सर्वांचेच आधार कार्ड असेल. परंतु, आपण आधारमध्ये कोणता मोबाईल नंबर नोंदवला आहे, हे बऱ्याचदा विसरायला होते. आपला मोबाईल नंबर आधारसह जोडलेला असणे महत्त्वाचे आहे.

बऱ्याचदा आपण आपला नंबर बदलतो आणि या गोंधळात नेमका कुठला नंबर आधारसह नोंदणीकृत केला आहे हेच विसरून जातो. अशावेळी या सोप्या मार्गाने आपण आपल्या प्रश्नाचे उत्तर शोधू शकतो.

अशा प्रकारे मिळेल नोंदणीकृत क्रमांकाची माहिती…

आपला नंबर आधार डेटाबेसमध्ये नोंदणीकृत आहे की नाही, हे शोधण्यासाठी आपल्याला प्रथम www.uidai.gov.in च्या पोर्टलवर जाणे आवश्यक आहे. यानंतर, ‘माझा आधार’ टॅबमधील सत्यापित ईमेल किंवा मोबाइल नंबरवर क्लिक करा. यानंतर आपल्या सिस्टमवर एक नवीन टॅब उघडेल. तेथे आपला आधार क्रमांक प्रविष्ट करा. आपण ज्यापैकी सत्यापित करू इच्छिता, त्याचा मोबाईल नंबर आणि ई-मेल प्रविष्ट करा. यानंतर कॅप्चा कोड टाका

मोबाईल नंबर अद्ययावत करण्यासाठी शुल्क :

प्रविष्ट केलेला मोबाईल नंबर आधार डेटाबेसशी जुळत असल्यास, आपल्या स्क्रीनवर एक संदेश येईल की, आपण प्रविष्ट केलेला मोबाईल क्रमांक आधीच रेकॉर्डमध्ये सत्यापित आहे. जर आपला नंबर विद्यमान डेटाशी जुळत नसेल तर, आपल्याला सांगितले जाईल की, प्रविष्ट केलेला मोबाईल नंबर रेकॉर्डशी जुळत नाही. यानंतर तुम्हाला तुमचा नंबर नव्याने नोंदवावा लागेल.

आपला नंबर आधारमध्ये नोंदवण्यासाठी तुम्हाला जवळच्या आधार केंद्रावर जावे लागेल. तेथे मोबाईल नंबर अपडेट करण्यासाठी तुम्हाला 50 रुपये फी भरावी लागेल. लक्षात ठेवा की, मोबाईल नंबर आधारमध्ये अपडेट करण्याची प्रक्रिया ऑनलाईन होत नाही. यासाठी जवळच्या अधिकृत आधार केंद्राला भेट देणे गरजेचे आहे.
(Process to Check which mobile number you have given in your Aadhaar card data).

Leave a Reply

Your email address will not be published.