| जालना | विधानपरिषद विरोधीपक्षनेते प्रवीण दरेकर हे मराठवाडा दोऱ्यावर आले असता आज जालना जिल्ह्यात आमदार तथा माजी मंत्री बबनराव लोणीकर, आमदार संतोष दानवे, आमदार नारायण कुचे यांच्या प्रमुख उपस्थितीत विरोधी पक्षनेते श्री प्रवीण दरेकर यांना महाराष्ट्र राज्य जुनी पेन्शन हक्क संघटनेच्या शिष्टमंडळाने भेट घेऊन निवेदन दिले त्यामध्ये प्रामुख्याने सर्व कर्मचाऱ्यांना सरसकट जुनी पेन्शन योजना लागू करा, यासह मयत कर्मचाऱ्यांना तात्काळ फॅमिली पेन्शन व ग्रॅच्युईटी प्रदान करावी, राज्यात सुरू असलेली एनपीएसची सक्ती तात्काळ थांबवून मागील पंधरा वर्षात झालेल्या कपातीच्या हिशोबाबबात कार्यवाही व्हावी, कोविड काळात मयत झालेल्या शिक्षक व शिक्षकेतर कर्मचाऱ्यांच्या कुटुंबाला ५० लक्ष रुपये मदत देण्यात यावी, जिल्हाबदली झालेल्या शिक्षक व कर्मचाऱ्यांच्या झालेल्या कपातीचा एकत्र हिशोब द्यावा, २००५ नंतर आजपर्यंत मयत कर्मचाऱ्यांना शासनाने काहीही मदत केली नाही तात्काळ ती मदत द्यावी, यांसह इतर मागण्याचे निवेदन देण्यात आले.
यावर विधानपरिषदेत जुनी पेन्शन या विषयावर आवाज उठवणार तसेच मयत कर्मचाऱ्यांना देखील न्याय मिळवून देणार आणि तसेच या विषयावर विधानपरिषदेत योग्य भूमिका घेऊन कर्मचाऱ्यांना न्याय मिळवून देणार अशी ठाम भूमिका प्रवीण दरेकर यांनी घेण्याचे आश्वासन जुनी पेन्शन हक्क संघटनेच्या शिष्टमंडळास दिले. यावेळी शिष्टमंडळात जुनी पेन्शन हक्क संघटनेचे राज्यप्रसिद्धीप्रमुख संतोष देशपांडे, जालना जिल्हाध्यक्ष ईश्वर गाडेकर, अशोक नाकाडे, शिंदे यांच्यासह पदाधिकारी उपस्थित होते.
- सलमान खानच्या घरावर 40 गोळ्या झाडण्याचे आदेश होते, आरोपींचा धक्कादायक खुलासा
- लोकसभा निवडणुकीत मतदानात होतेय हेराफेरी ? जाणून घ्या व्हायरल व्हिडिओचं सत्य
- कंपनी असावी तर अशी… IT कंपनीने बाजारपेठेत उडवली खळबळ, लाभांशाची करणार लयलूट
- मुख्यमंत्री शिंदेंकडून ‘लाव रे तो व्हिडिओ’, उद्धव ठाकरेंची जुनी क्लिप दाखवत बोचरी टीका
- वसुली करणाऱ्यांना वसुली सोडून तसेही दुसरे काही सुचते असे नाहीच.
