| सोलापूर / महेश देशमुख | संभाजी ब्रिगेडचे पुणे पदवीधर मतदारसंघाचे अधिकृत उमेदवार इंजिनिअर मनोजकुमार गायकवाड यांनी पुण्यातील विधान भवन येथे उमेदवारी अर्ज दाखल केला. संभाजी ब्रिगेडचे प्रदेशाध्यक्ष मनोजदादा आखरे यांच्या हस्ते भारतरत्न डॉ.बाबासाहेब आंबेडकर यांच्या पुतळ्यास अभिवादन करून उमेदवारी अर्ज दाखल करण्यात आला.
कोरोनाच्या पार्श्वभूमीवर सर्व नियमांचे पालन करून ही प्रक्रिया पूर्ण करण्यात आली. यावेळी संभाजी बिग्रेड चे प्रदेश कोषाध्यक्ष संतोष गाजरे, प्रदेश प्रवक्ते गंगाधर बनबरे, प्रदेश उपाध्यक्ष आण्णासाहेब सावंत, प्रदेश उपाध्यक्ष अभिमन्यु पवार, विभागीय अध्यक्ष किरण घाडगे,पुणे जिल्हाध्यक्ष चंद्रशेखर घाडगे, उत्तम कामठे,महिला आघाडी जिल्हाध्यक्ष मोहिनीताई रणदिवे, सोलापूर जिल्हाध्यक्ष सचिनबापू जगताप, सोमनाथ राऊत,सांगली जिल्हाध्यक्ष सुयोग औंधकर, राजेंद पाटील, कोल्हापूर जिल्हाध्यक्ष रुपेश पाटील, सोलापूर जिल्हा सचिव सुहास टोणपे, जिल्हा उपाध्यक्ष शंकर पोळ, जिल्हा संघटक गणेश सव्वाशे, दिनेश जगदाळे,माढा तालुकाध्यक्ष बालाजी जगताप, करमाळा तालुकाध्यक्ष अमित घोगरे, तालुका सचिव गणेश डोके,प्रविण कदम,स्वप्निल गायकवाड, विश्वनाथ गायकवाड,किशोर मोळक,पुणे पदवीधर मतदारसंघातील सर्व महिला, शिक्षक, विद्यार्थी, कामगार, वाहतूक आघाडीचे पदाधिकारी उपस्थित होते.
यावेळी संवाद साधताना गायकवाड म्हणाले की, आतापर्यंत निवडून आलेल्या कोणत्याही आमदारांनी पदवीधरांसाठी काम केले नाही, त्यांनी केवळ आपल्या पक्षासाठी काम केले. सर्वात जास्त प्रमाण असलेला सुशिक्षित पदवीधर वर्ग आज बेरोजगारीमुळे आत्महत्या करत आहे. पदवीधरच्या आमदारांनी फक्त पक्षासाठी काम केले आहे. पुरोगामी विचारांच्या बहुजन तरुणांची संघटना असलेल्या संभाजी ब्रिगेडने पदवीधरांचे, शिक्षकांचे, प्रश्न, समस्या सोडवण्यासाठी विविध आंदोलने केली असून विधान परिषदेत पदवीधरांचे , शिक्षकांचे प्रश्न, समस्या मार्गी लावण्यासाठी, पदवीधरांना न्याय मिळवून देण्यासाठी व शाश्वत बदल घडवण्यासाठी मी निवडणुक लढवत आहे.
” पुणे पदवीधर मतदारसंघातील विद्यमान पदवीधर आमदार पूर्णपणे निष्क्रिय ठरले असून इतर उमेदवारांनीही पदवीधरांसाठी म्हणावे तसे काम केलेले नाही. संभाजी बिग्रेडने पदवीधर व शिक्षकांच्या समस्या सोडविण्यासाठी आतापर्यंत विविध आंदोलने केली असून समस्या सोडविण्याचा प्रयत्न केलेला आहे. आता विधिमंडळाच्या सभागृहात पदवीधरांचे व शिक्षकांचे प्रश्न सोडवण्यासाठी संभाजी ब्रिगेड ही निवडणूक लढवत आहे.”
– सचिन जगताप, जिल्हाध्यक्ष संभाजी ब्रिगेड, सोलापूर.
- सलमान खानच्या घरावर 40 गोळ्या झाडण्याचे आदेश होते, आरोपींचा धक्कादायक खुलासा
- लोकसभा निवडणुकीत मतदानात होतेय हेराफेरी ? जाणून घ्या व्हायरल व्हिडिओचं सत्य
- कंपनी असावी तर अशी… IT कंपनीने बाजारपेठेत उडवली खळबळ, लाभांशाची करणार लयलूट
- मुख्यमंत्री शिंदेंकडून ‘लाव रे तो व्हिडिओ’, उद्धव ठाकरेंची जुनी क्लिप दाखवत बोचरी टीका
- वसुली करणाऱ्यांना वसुली सोडून तसेही दुसरे काही सुचते असे नाहीच.
