| नवी दिल्ली | अखेरच्या कसोटी सामन्यात ब्रॉडने ५०० बळींचा टप्पा पूर्ण केला. क्रेग ब्रेथवेट हा ब्रॉडचा ५०० बळी ठरला. विंडीजविरुद्ध अखेरच्या कसोटी सामन्यात इंग्लंडने धडाकेबाज कामगिरी करत विजय संपादन केला आहे. २-१ च्या फरकाने इंग्लंडने ही मालिका जिंकली. स्टुअर्ड ब्रॉडने या सामन्यात १० बळी आणि अर्धशतक झळकावत अष्टपैलू कामगिरी बजावली. याचसोबत कसोटी क्रिकेटमध्ये ब्रॉडने ५०० बळींचा टप्पाही पूर्ण केला. या कामगिरीनंतर सर्वच स्तरातून ब्रॉडचं कौतुक होतंय. भारतीय संघाचा माजी फलंदाज युवराजनेही ब्रॉडचं कौतुक केलंय.
दरम्यान युवराजने ब्रॉडच्या षटकात ६ चेंडूवर ६ षटकार ठोकत विक्रम केला होता. एखाद्या गोलंदाजाचा यानंतर धीर खचला असता, परंतू ब्रॉडने आपल्या कामगिरीत सातत्याने सुधारणा करत आपलं नाणं खणखणीत वाजवून दाखवलं आहे. गेली काही वर्ष ब्रॉड इंग्लंडच्या कसोटी संघाचा महत्वाचा गोलंदाज आहे. युवराजनेही ब्रॉडच्या या कामगिरीचं कौतुक करत, त्या सहा षटकारांचा उल्लेख करु नका…कसोटीत ५०० बळी घेणं म्हणजे विनोद नाही असं युवराजने आपल्या फेसबूक पोस्टमध्ये म्हटलंय.
अष्टपैलू कामगिरीसाठी ब्रॉडला सामनावीर आणि मालिकावीराचा किताब देऊन गौरवण्यात आलं. वेस्ट इंडिजविरुद्ध कसोटी मालिकेनंतर इंग्लंडचा संघ आयर्लंडविरुद्ध ३ वन-डे सामन्यांची मालिका खेळणार आहे. यानंतर घरच्या मैदानावर इंग्लंडचा संघ पाकिस्तानविरुद्ध कसोटी सामन्यांची मालिका खेळेल.
- “आंतरभारती – भारत जोडो ” श्रमसंस्कार छावणीत विविध उपक्रमांची रेलचेल, तरुणांचा उत्स्फूर्त सहभाग.!
- ह्युमन सर्वर मल्टीपर्पज ऑर्गायझेशनला (H.S.M.O) सामाजिक कार्याचा नवरत्न पुरस्कार जाहीर..!
- भाजपचे माजी मंत्री श्री परिणय फुके यांच्या प्रश्नावर शिवसेनेचे खासदार डॉ श्रीकांत शिंदे यांनी केले ‘ हे ‘ आवाहन..!
- सर्वसमावेशक पॅनल उभा करून सभासदांच्या हितांचे रक्षण करणार ; पेण प्राथमिक शिक्षक पतपेढी सत्ताधारी पॅनल चा निर्धार
- वरिष्ठ वेतनश्रेणी प्रस्ताव मंजूर न झाल्यास जि.प. समोर धरणे आंदोलन; जुनी पेन्शन संघटना आंदोलनाच्या पवित्र्यात..
