| इंदापूर/ महादेव बंडगर | भिगवण रोटरी क्लब च्या वतीने कोरोना महामारीच्या काळातही अविरत जनसेवेत असणाऱ्या भिगवण पोलीस स्टेशन, प्राथमिक आरोग्य केंद्र, पोस्ट ऑफिस तसेच भिगवण, तक्रारवाडी, मदनवाडी आदी ग्रामपंचायतींना आज बुधवार दि. २१ ऑक्टोबर रोजी “माझे कुटुंब, माझी जबाबदारी” या उपक्रमाच्या माध्यमातून होत असलेल्या विविध सर्वेक्षण मोहिमांमध्ये प्राथमिक आरोग्य केंद्राच्या वतीने काम करणारे कर्मचारी व पोलीस स्टेशनच्या माध्यमातून कोरोना योध्याची भूमिका पार पाडणाऱ्या पोलिसांच्या कामाची दखल घेत त्यांना N-95 मास्क व सॅनिटायझरचे वाटप करण्यात आले .
तसेच परिसरातील भिगवण तक्रारवाडी, मदनवाडी गावच्या ग्रामपंचायतींनाही या वस्तूंचे वाटप करण्यात आले. या प्रसंगी डॉ.पवार, डॉ. मृदुला जगताप, सहायक पोलिस निरीक्षक जीवन माने साहेब, संतोष धवडे, आम्रपाली बंडगर,तेजस देवकाते, रोटरीचे अध्यक्ष संपत बंडगर, सचिन बोगावत, रियाज शेख, प्रदीप वाकसे, रणजित भोंगळे, प्रविण वाघ, संजय खाडे, कमलेश गांधी, औदुंबर हुलगे, कुलदीप ननवरे, संतोष सवाने उपस्थित होते.
भिगवण रोटरी क्लब परिसरातील ग्रामस्थांच्या अडीअडचणी लक्षात घेऊन सातत्याने विविध समाजोपयोगी उपक्रम राबवत आहे. रोटरीच्या वतीने विविध शाळांमध्ये तसेच शिक्षण संस्थांना विद्यार्थ्यांच्या संगणकाच्या मदतीने तंत्रस्नेही बनवण्यासाठी 100 ई-लर्निंग संच देण्यात येणार आहेत. त्यासाठी इच्छुकांनी रोटरीच्या पदाधिकाऱ्यांशी संपर्क साधावा असे आवाहन अध्यक्ष संपत बंडगर यांनी केले आहे.
- घडणाऱ्या घटनांकडे जिज्ञासू वृत्तीने बघा, त्यामागील विज्ञान समजून घ्या. तुम्ही सुद्धा शास्त्रज्ञ बनू शकतात. – जीवन महाजन
- विधानसभेतील बंब शिक्षकांवर की शिक्षणावर..!
- नकळत सारे घडते..!
- मैं अपनी फेव्हरेट हूँ..!
- “पडळकर हुल्लडबाजी करतात, त्यांना त्यांची औकात दाखवून देवू.!” भाजपच्या युतीतील राष्ट्रीय समाज पक्षाचा भाजपच्या पडळकरांवर हल्लाबोल..!
