| ठाणे | ठाणे- भिवंडी- कल्याण या मेट्रोच्या भिवंडी आणि कल्याण मधील मार्गाचे फेरनियोजन करण्याच्या स्थानिकांच्या मागणीनुसार तसेच या मार्गाचा विस्तार उल्हासनगरपर्यंत करण्याच्या खासदार डॉ. श्रीकांत शिंदे यांच्या मागणीला राज्याचे नगरविकासमंत्री एकनाथ शिंदे यांनी हिरवा कंदील दाखवल्यानंतर, एमएमआरडीएने या विस्तारित मार्गाची व्यवहार्यता तपासण्यासाठी दिल्ली मेट्रो रेल कॉर्पोरेशनची (डीएमआरसी) नियुक्ती केली आहे. त्यानुसार, राजीव गांधी चौक ते टेमघर व्हाया वंजारपट्टी नाका आणि दुर्गाडी चौक ते उल्हासनगर व्हाया खडकपाडा व शहाड या दोन मार्गांच्या व्यवहार्यतेवर दिल्ली मेट्रो रेल कॉर्पोरेशन शिक्कामोर्तब करणार आहे, अशी माहिती खासदार डॉ श्रीकांत शिंदे यांनी दिली.
ठाणे-भिवंडी-कल्याण या मेट्रो क्र. ५ चे काम ठाणे ते भिवंडी फेज १ आणि भिवंडी ते कल्याण फेज २ असे दोन टप्प्यांत करण्यात येणार आहे. त्यापैकी फेज १चे काम सुरू झाले असून भिवंडी ते कल्याण या दुसऱ्या टप्प्याच्या आरेखनाबाबत असंख्य तक्रारी होत्या. भिवंडी तसेच कल्याण या दोन्ही शहरांमधून जाणाऱ्या या मार्गाचे आरेखन बदलण्याच्या मागण्या सातत्याने होत होत्या. भिवंडीतून जाणारा मार्ग वंजारपट्टी नाक्याला वळसा घालून नेण्याची मागणी भिवंडीतून होत होती, तर कल्याणमधील मार्ग दुर्गाडी चौकातून थेट एपीएमसीला नेण्याऐवजी बिर्ला कॉलेजमार्गे नेण्याची मागणी कल्याणमधील विशेषतः शिवसेनेचे लोकप्रतिनिधी करत होते. तसेच, ठाणे-भिवंडी-कल्याण मेट्रो मार्गाचा विस्तार उल्हासनगरपर्यंत करण्याची मागणी कल्याणचे खासदार डॉ. श्रीकांत शिंदे यांनी लावून धरली होती. या सर्व मागण्यांची दखल घेऊन नगरविकासमंत्री शिंदे यांनी एमएमआरडीएला भिवंडी व कल्याणमधून जाणाऱ्या मार्गात बदल करण्याबरोबरच उल्हासनगरपर्यंत या मार्गाचा विस्तार करण्याची चाचपणी करण्याचे आदेश दिले होते.
त्यानुसार, एमएमआरडीएने नव्या मार्गिकांचा सविस्तर प्रकल्प अहवाल तयार करण्यासाठी डीएमआरसीची नियुक्ती मे महिन्यात केली होती. डीएमआरसीने राजीव गांधी चौक ते टेमघर व्हाया वंजारपट्टी नाका आणि दुर्गाडी चौक ते उल्हासनगर व्हाया खडकपाडा व शहाड या दोन मार्गांचा डीपीआर तयार करून एमएमआरडीएला सादर केले. त्यानुसार आता हे दोन मार्ग स्वतंत्र मेट्रो मार्ग म्हणून विकसित करायचे की, मेट्रो मार्ग क्र. ५ चा भाग म्हणूनच त्यात अन्य बदल करायचे याचा तुलनात्मक अभ्यास करून सर्वाधिक व्यवहार्य पर्यायावर शिक्कामोर्तब करण्याची जबाबदारी एमएमआरडीएने दिल्ली मेट्रो कॉर्पोरेशनवर सोपवली असून डीएमआरसी सुचवेल तो पर्याय निश्चित करून त्याचा अंतिम डीपीआर तयार करण्यात येणार आहे.
- आधी संपलेला पक्ष अशी टीका, आता युतीसाठी विनवण्या – एकनाथ शिंदे
एकनाथ शिंदे यांची उद्धव ठाकरेंवर बोचरी टीका - जळगावात तरुणीची अत्याचार करून हत्या
- तिहेरी हत्याकांडाने हादरला रायगड जिल्हा…एकाच कुटुंबातील तिघांची निर्घृण हत्या
7 महिन्याच्या गर्भवती महिलेच्या हत्येने हुतात्म्यांची भूमी सुन्न.. - महाराष्ट्र राज्य जुनी पेन्शन संघटना ठाणे महापालिका जिल्हा कार्यकारिणी स्थापन
राज्य कोषाध्यक्ष श्री अरुण बडे आणि ठाणे जिल्ह्या अध्यक्ष अरुण कराळे यांच्या निरीक्षणात पार पडली सभा - मिरा भाईंदर महानगरपालिका क्षेत्रातील सी.सी टीव्हीसाठीचे मध्यवर्ती शाळा नियंत्रण कक्षाचे दूरदूरश्यप्रणालीद्वारे मुख्यमंत्री एकनाथ शिंदे यांच्या हस्ते लोकार्पण संपन्न
*मिरा-भाईंदर महानगरपालिकेचे अनुकरण इतर महानगरपालिकांनीही करावे – मुख्यमंत्री