| जयपूर | मी नेहमी काँग्रेसचा भाग राहिलो आहे, त्यामुळे हे माझं कमबॅक नाही असं सचिन पायलट यांनी म्हटलं आहे. पण राजस्थानमधील सरकारच्या कारभारासंबंधी आमचे जे आक्षेप आणि चिंता होती ती व्यक्त करणं गरजेचं होतं असं सचिन पायलट यांनी यावेळी सांगितलं. इंडिया टुडेशी बोलताना त्यांनी हे वक्तव्य केलं. दरम्यान मुख्यमंत्री अशोक गेहलोत यांनी ‘निकम्मा’ उल्लेख करत टीका केल्याने आपण दुखावलो असल्याचं सचिन पायलट यांनी सांगितलं आहे.
“नक्कीच मी दुखवलो गेलो. मी अशा पद्धतीची टीका करण्यापासून नेहमी स्वत:ला नेहमी रोखतो. कारण लोकांना मी काय करतो हे माझ्या कामामधून दिसतं. राजस्थानमध्ये मी काय काम केलं आहे हे माझी लोक, आमदार यांनी पाहिलं आहे,” असं सचिन पायलट यांनी सांगितलं आहे.
अशोक गेहलोत यांच्या निकम्मा टीकेवर बोलताना त्यांनी सांगितलं की, “मी कोणाचा कितीही विरोध केला तरी अशी भाषा वापरणार नाही. कुटुंबाकडून मला तशी शिकवण मिळाली आहे. पण कामासंबंधी एखाद्या गोष्टीवर आक्षेप असेल तर मी तो नोंदवणार”. पुढे ते म्हणाले की, “ते माझे वरिष्ठ आहेत. आम्ही याआधीही एकत्र काम केलं आहे. त्यांच्यासोबत काम करण्याची ही माझी पहिली वेळ नसणार आहे. मला लोकांचा किती पाठिंबा आहे याची कल्पना आहे, त्यामुळे पद मोठं असो किंवा छोटं फरक पडत नाही”.
“जयपूरमध्ये चर्चा करण्यासारखी स्थिती अजिबात नव्हती. प्रशासन आम्हाला भीती दाखवत असल्याने राज्याबाहेर जाणं गरजेचं होतं. जेव्हा तुम्हाला जीवाची भीती असते, तुमच्या ४५ आमदारांविरोधात गुन्हा दाखल केला जातो, आमच्याविरोधात देशद्रोहाचा गुन्हा दाखल करण्यात आला…या सर्व गोष्टींमुळेच आम्ही रिसॉर्टमध्ये आश्रय घेतला. आम्ही कोणाकडूनही सुविधा घेत नव्हतो. आमचा खर्च आम्हीच उचलला,” असं सचिन पायलट यांनी सांगितलं आहे.
- जळगावात तरुणीची अत्याचार करून हत्या
- तिहेरी हत्याकांडाने हादरला रायगड जिल्हा…एकाच कुटुंबातील तिघांची निर्घृण हत्या
7 महिन्याच्या गर्भवती महिलेच्या हत्येने हुतात्म्यांची भूमी सुन्न.. - महाराष्ट्र राज्य जुनी पेन्शन संघटना ठाणे महापालिका जिल्हा कार्यकारिणी स्थापन
राज्य कोषाध्यक्ष श्री अरुण बडे आणि ठाणे जिल्ह्या अध्यक्ष अरुण कराळे यांच्या निरीक्षणात पार पडली सभा - मिरा भाईंदर महानगरपालिका क्षेत्रातील सी.सी टीव्हीसाठीचे मध्यवर्ती शाळा नियंत्रण कक्षाचे दूरदूरश्यप्रणालीद्वारे मुख्यमंत्री एकनाथ शिंदे यांच्या हस्ते लोकार्पण संपन्न
*मिरा-भाईंदर महानगरपालिकेचे अनुकरण इतर महानगरपालिकांनीही करावे – मुख्यमंत्री - कार्यसम्राट दमदार आमदार महेंद्रशेठ थोरवे ६०००० च्या मताधिक्याने विधानसभेवर जाणार…पालकमंत्री उदयजी सामंत यांचे प्रतिपादन .
महाआघाडी सह मनसेलाही खिंडार…आमदार थोरवेंचा जलवा कायम .