| मनाली | हिमाचल प्रदेशमधील लाहौल खो-यातील एक संपूर्ण गावच कोरोना पॉझिटीव्ह आढळून आल्याने एकच खळबळ उडाली आहे. थोरांग गावातील ५२ वर्षीय भूषण ठाकूर या एकमेव नागरिकाचा कोरोनाचा संसर्ग झालेला नाही. लोकसंख्येच्या प्रमाणानुसार लाहौल-स्पिती हा जिल्हा राज्यातील सर्वाधिक कोरोनाबाधितांचा जिल्हा ठरला आहे.
लाहौलमध्ये कोरोनाबाधितांच्या संख्येत अचानक मोठ्या संख्येने वाढ झाल्याने स्थानिक प्रशासनातील अधिका-यांना पर्यटकांना देण्यास बंदी घातली आहे. रोहतांग बोगद्याच्या उत्तरेकडील बाजूस हा सर्व प्रदेश आहे. गुरुवारपासून लाहौल खो-यातील गावांमध्ये पर्यटकांना प्रवेश करण्यास बंदी घालण्यात आली आहे. बोगद्याच्या नंतरच्या प्रदेशात असणा-या गावांमध्ये कोणत्याही पर्यटकास प्रवेश देण्यात येत नसून हा संपूर्ण परिसर कंटेनमेंट झोन म्हणून घोषित करण्यात आलं आहे.
मनाली आणि लेह महामार्गावरील थोरांग गावची लोकसंख्या केवळ ४२ इतकी आहे. हिवाळा सुरु असल्याने अनेकजण कुलूला स्थलांतरित झाले आहेत. या भागामध्ये पर्यटकांची संख्या वाढल्याने गावातील सर्वच नागरिकांनी कोरोना चाचणी करण्याचा निर्णय घेतला आणि चाचणीचा निकाल पाहून स्थानिक प्रशासनालाही धक्का बसला. गावातील ४२ पैकी ४१ जणांच्या कोरोना चाचणीचा निकाल पॉझिटीव्ह आला आहे. भूषण ठाकूर या एकमेव व्यक्तीला कोरोनाचा संसर्ग झालेला नसल्याचे स्पष्ट झालं आहे.
‘मी मागील चार दिवसांपासून एका वेगळ्या खोलीमध्ये राहत असून माझं जेवण मीच बनवत आहे. कोरोना चाचणीचे निकाल येण्याआधी आम्ही सर्व कुटुंबिय एकत्रच राहत होते. मी सॅनिटायझेशन, हात वारंवार धुणे, मास्क घालणे, सोशल डिस्टन्सिंग पाळणे यासारख्या सर्व नियमांचे कडेकोटपणे पालन करत होतो. लोकांनी कोरोनाच्या साथीला हलक्यात घेऊ नये. हिवाळ्यामध्ये तर लोकांनी अधिक काळजी घेतली पाहिजे,’ असं मत भूषण ठाकूर यांनी व्यक्त केलं आहे. भूषण यांच्या कुटुंबातील पाच जणांना कोरोनाची लागण झाल्याने भूषणच क्वारंटाईन झाल्याप्रमाणे एकटे राहत आहेत.
सुत्रांनी दिलेल्या माहितीनुसार एका धार्मिक कार्यक्रमासाठी काही दिवसांपूर्वी गावातील सर्व लोक एकत्र आले होते. त्यामुळेच गावातील सर्वांना कोरोनाचा समुहिक संसर्ग झाल्याचे सांगितले जात आहे. लाहौल-स्पितीचे आरोग्य अधिकारी डॉ. पल्झोर यांनी स्थानिकांना कोरोना चाचणी करुन घेण्याचं आवाहन केलं आहे. जिल्ह्यामध्ये ८५६ जण कोरोना पॉझिटीव्ह आढळून आले आहेत. स्पितीमध्ये मोठ्या प्रमाणात कोरोनाचा फैलाव होत असल्याने चिंता व्यक्त करण्यात येत आहे. स्पितीमधीलच रंगरिक गावातील ३९ नागरिक २८ ऑक्टोबर रोजी कोरोना पॉझिटीव्ह असल्याचे आढलून आलं होतं. त्यानंतर हुर्लिंग गावातील १९ जण कोरोना पॉझिटीव्ह असल्याचेही स्पष्ट झालं होतं.
- जळगावात तरुणीची अत्याचार करून हत्या
- तिहेरी हत्याकांडाने हादरला रायगड जिल्हा…एकाच कुटुंबातील तिघांची निर्घृण हत्या
7 महिन्याच्या गर्भवती महिलेच्या हत्येने हुतात्म्यांची भूमी सुन्न.. - महाराष्ट्र राज्य जुनी पेन्शन संघटना ठाणे महापालिका जिल्हा कार्यकारिणी स्थापन
राज्य कोषाध्यक्ष श्री अरुण बडे आणि ठाणे जिल्ह्या अध्यक्ष अरुण कराळे यांच्या निरीक्षणात पार पडली सभा - मिरा भाईंदर महानगरपालिका क्षेत्रातील सी.सी टीव्हीसाठीचे मध्यवर्ती शाळा नियंत्रण कक्षाचे दूरदूरश्यप्रणालीद्वारे मुख्यमंत्री एकनाथ शिंदे यांच्या हस्ते लोकार्पण संपन्न
*मिरा-भाईंदर महानगरपालिकेचे अनुकरण इतर महानगरपालिकांनीही करावे – मुख्यमंत्री - कार्यसम्राट दमदार आमदार महेंद्रशेठ थोरवे ६०००० च्या मताधिक्याने विधानसभेवर जाणार…पालकमंत्री उदयजी सामंत यांचे प्रतिपादन .
महाआघाडी सह मनसेलाही खिंडार…आमदार थोरवेंचा जलवा कायम .