| सांगली | अतिवृष्टीमुळे सगळीकडे सारखेच नुकसान झाले आहे. तुमच्या गावात काय वेगळे असणार ? त्यामुळे ते काय बघायचे, असे वक्तव्य करून नुकसानग्रस्त भागाची पाहणी टाळणाऱ्या विधान परिषदेचे विरोधी पक्षनेते प्रवीण दरेकर यांचा तासगाव तालुक्यातील कवठेएकंद येथे भाजपच्याच कार्यकर्त्यांनी निषेध केला.
सांगली जिह्यातील कवठेएकंद परिसरात पावसामुळे शेतीचे मोठे नुकसान झाले आहे. तालुक्यात नुकसानग्रस्तांच्या पाहणी दौऱ्यावर असणारे प्रवीण दरेकर बुधवारी कवठेएकंद येथे पाहणीस येणार होते. मात्र , नुकसानग्रस्तांना न भेटताच ते निघून गेले.
विरोधी पक्षनेते प्रवीण दरेकर व आमदार गोपीचंद पडळकर येणार म्हणून येथील भाजप कार्यकर्त्यांनी ओढा पात्रातील स्वच्छता, नुकसानग्रस्तांना अन्नधान्यवाटप, असे नियोजन केले होते. मात्र, दरेकर यांनी नुकसानग्रस्तांच्या भेटीला जाणे टाळले.
दुपारी साडेबारा वाजता दरेकर कवठेएकंदला येणार होते; मात्र पाच तास उशिरा आले. यावेळी कार्यकर्त्यांनी त्यांना नुकसानग्रस्त भागाची पाहणी करण्याची विनंती केली. मात्र, अतिवृष्टीने सर्वत्र सारखेच नुकसान झाले आहे, येथे काय वेगळे असणार, असे सांगत सांगलीला बैठक असल्याचे सांगून ते निघून गेले.
दरेकर यांच्या दुजाभावाने येथील भाजप कार्यकर्त्यांनी नाराजी व्यक्त केली. पंचायत समिती सदस्य संतोष आठवले, भाजपचे अध्यक्ष बाळासाहेब शिरोटे, दीपक घोरपडे, जयवंत माळी, दीपक जाधव, बाळासाहेब पवार, आनंदराव काळे, गुंडा मेनगुधले, राहुल शिरोटे, महादेव काळे यांनी निषेध केला.
- जळगावात तरुणीची अत्याचार करून हत्या
- तिहेरी हत्याकांडाने हादरला रायगड जिल्हा…एकाच कुटुंबातील तिघांची निर्घृण हत्या
7 महिन्याच्या गर्भवती महिलेच्या हत्येने हुतात्म्यांची भूमी सुन्न.. - महाराष्ट्र राज्य जुनी पेन्शन संघटना ठाणे महापालिका जिल्हा कार्यकारिणी स्थापन
राज्य कोषाध्यक्ष श्री अरुण बडे आणि ठाणे जिल्ह्या अध्यक्ष अरुण कराळे यांच्या निरीक्षणात पार पडली सभा - मिरा भाईंदर महानगरपालिका क्षेत्रातील सी.सी टीव्हीसाठीचे मध्यवर्ती शाळा नियंत्रण कक्षाचे दूरदूरश्यप्रणालीद्वारे मुख्यमंत्री एकनाथ शिंदे यांच्या हस्ते लोकार्पण संपन्न
*मिरा-भाईंदर महानगरपालिकेचे अनुकरण इतर महानगरपालिकांनीही करावे – मुख्यमंत्री - कार्यसम्राट दमदार आमदार महेंद्रशेठ थोरवे ६०००० च्या मताधिक्याने विधानसभेवर जाणार…पालकमंत्री उदयजी सामंत यांचे प्रतिपादन .
महाआघाडी सह मनसेलाही खिंडार…आमदार थोरवेंचा जलवा कायम .