| लंडन | इंग्लंड-वेस्ट इंडिज यांच्यात झालेल्या पहिल्या कसोटी सामन्यात विंडिजनं चार विकेटनं यजमानांना धुळ चारली आहे. यासह तीन सामन्यांच्या मालिकेत १ – ० नं आघाडी देखील घेतली आहे. या सामन्याचा हिरो ठरला वेस्ट इंडिजचा फलंदाज जर्मेन ब्लॅकवूड. ब्लॅकवूडनं संघासाठी महत्त्वपूर्ण अशी ९५ धावांची खेळी केली. ब्लॅकवूडनं १५४ चेंडूत १४ चौकार लगावत ९५ धावा केल्या. शतकासाठी ५ धावांची गरज असताना ब्लॅकवूड इंग्लंडचा कर्णधार बेन स्टोक्सच्या चेंडूवर बाद झाला. ब्लॅकवूडनं रोस्टन चेस सोबत चौथ्या विकेटसाठी महत्त्वपूर्ण अशी ७३ धावांची भागीदारी केली. तर, शेन डोरिचसोबत पाचव्या विकेटसाठी ६८ धावांची भागीदारी केली. मुख्य म्हणजे या सामन्याआधी ब्लॅकवूडची लोकप्रियता कमी होती. आता मात्र तो रातोरात स्टार झाला आहे.
इंग्लंडनं वेस्ट इंडिजसमोर २०० धावांचे आव्हान ठेवले होते. ब्लॅकवूडनं हे लक्ष्य पाचव्या दिवशी ६ विकेट गमावत पूर्ण केले. दोन्ही संघांमध्ये दुसरा सामना १६ जुलै रोजी होणार आहे. दरम्यान कोरोना महामारी काळात झालेली ही पहिली कसोटी ठरली आहे.
- वसुली करणाऱ्यांना वसुली सोडून तसेही दुसरे काही सुचते असे नाहीच.
- निंबाळकर VS मोहिते पाटील; माढा मतदारसंघात कोणाचे वर्चस्व, कोणाकडे किती संपत्ती ?
- बारामतीमधून ‘शरद पवार’ही मैदानात, उमेदवारी अर्ज दाखल केल्यानंतर एकच चर्चा
- ‘एका व्यक्तीची इच्छा..’; संविधान बदलण्यासाठी ‘रामायण’ फेम गोवील यांचा पाठिंबा?
- तिसरीच्या विद्यार्थ्याची स्कूल फी 30 हजार रुपये, सोशल मीडियात पालकांचा रोष