पडळकरांवर फडणवीस देखील संतापले..!

| सोलापूर | भाजपचे आमदार गोपीचंद पडळकर यांनी राष्ट्रवादीचे अध्यक्ष शरद पवार यांच्यावर विखारी टीका केली होती. त्यांच्या या टीकेबद्दल विरोधीपक्ष नेते देवेंद्र फडणवीस यांनी तीव्र नाराजी व्यक्त केली. तसंच, पडळकर यांनी या वक्तव्याबद्दल माफी मागितली आहे, असंही सांगितलं.

गोपीचंद पडळकर यांचे वक्तव्य अत्यंत चुकीचे होते. त्यांच्याशी मी चर्चा केली आहे. शरद पवार साहेब हे राजकीय विरोधक आहे, शत्रू नाही. ज्येष्ठ नेत्यांबद्द्ल असे बोलणे चुकीचे आहे. पडळकर यांनी भावनेच्या भरात वक्तव्य केले असून त्यांनी याबद्दल माफी मागितली आहे, असं देवेंद्र फडणवीसांनी स्पष्ट केलं.

तसंच, सर्वच पक्षातील लोकांनी बोलताना संयम बाळगला पाहिजे. ज्येष्ठ नेत्यांवर टीका करताना भान बाळगले पाहिजे, असं आवाहनही फडणवीस यांनी केलं.

Leave a Reply

Your email address will not be published.