| पारनेर / स्थानिक प्रतिनिधी | पारनेर नगरपंचायतचे नगरसेवक पक्षांतर प्रकरणात लोकप्रतिनिधींचे हसू झाले असून अशा पद्धतीने पक्षांतर करणे योग्य नसून नगरसेवकांच्या पाण्याविषयीच्या तक्रारीत काहीच तथ्य नसल्याचे माजी विधानसभा उपाध्यक्ष विजय औटी म्हणाले आहेत.
तसेच केवळ राजकारण करण्यासाठी काहीही कारणे देऊन पोरखेळ करत लोकप्रतिनिधींनी तालुक्याचे वाटोळे करू नये असा घणाघात माजी आमदार विजय औटी यांनी केला आहे. केवळ राजकारण करण्यासाठी पाण्याचा प्रश्न पुढे आला असून याबाबत आपण वरिष्ठांच्या संपर्कात असल्याचेही औटी यांनी सांगितले.
तसेच शिवसेना व राष्ट्रवादी काँग्रेस राज्यात चांगले काम करत असताना अशा गोष्टींनी विरोधकांना टीका करण्यास जागा मिळते; दुसरे काही होत नाही असे पुढे बोलताना औटी म्हणाले.
दरम्यान, पारनेर नगरपंचायत क्षेत्रातील पाच नगरसेवकांनी केलेले पक्षांतर राज्यभर गाजले होते. थेट मातोश्रीवर त्या सर्वांची घरवापसी करण्यात आली. थोडक्यात निलेश लंके यांनी आपल्या गळाला नगरसेवक तर लावलेच लावले, परंतु पुन्हा तो निर्णय बदलण्याची वेळ आली तर थेट मातोश्रीवर जावून तो निर्णय बदलवला..! एकंदरीत या राजकीय नाट्यात आमदार लंके यांनी बाजी मारली, हे नाकारून चालणार नाही अशी राजकीय वर्तुळात चर्चा सुरू आहे.
- उषा नॅशनल सायन्स टेक्नो रिसर्च सेंटरच्या माध्यमातून विद्यार्थ्यांसाठी डॉ. एपीजे अब्दुल कलाम नॅशनल कौन्सिल ऑफ यंग सायंटिस्ट सेंटरचे उद्घाटन
- लस न घेणाऱ्या शिक्षकांना पगार न देण्याची ‘ या ‘ प्रशासनाने घेतली भूमिका..!
- पूरग्रस्तांसाठी बृहन्मुंबई राज्य सरकारी कर्मचारी संघटनेचा एक हात मदतीचा..
- सरकारी कर्मचाऱ्यांच्या फोन वर प्रतिबंध, ही अशी आहे नियमावली..!
- भुसावळ शहरात डॉ. एपीजे अब्दुल कलाम नॅशनल कॉन्सील ऑफ यंग सायंटिस्ट सेंटरची विद्यार्थ्यांसाठी होणार सुरू
Aas tumhala watay pan satya paristhiti wegali aahe