ठळक मुद्दे :
• तळ्यातील चिखल -गाळ काढण्यासाठी विशेष मोहिमम, महापौर नरेश म्हस्केंसह ठाणे मनपाचे विशेष पथक..
•सर्व जनतेकडून मंत्री शिंदे, महापौर म्हस्के व ठाणे मनपाचे आभार मानले जात आहे. आंबेडकर प्रेमी सर्व जनता या कामाबद्दल त्यांचे विशेष कौतुक करत आहे.
| महाड | महाडमधील चवदार तळ्याचे ऐतिहासिकपण जपण्यासाठी शासनाच्यावतीने या तीर्थक्षेत्राची संपूर्ण स्वच्छता, तलावातील चिखल गाळ काढणे तसेच सुशोभिकरण करणे या कामाला प्राधान्य देवून चवदार तळ्याचे पावित्र्य राखण्यासाठी जे जे करता येईल ते करणार असल्याची ग्वाही राज्याचे नगरविकास मंत्री एकनाथ शिंदे यांनी दिली.
महाड येथील चवदार तळ्यातील चिखल व गाळ काढण्याच्या कामाची विशेष स्वच्छता मोहिम हाती घेण्यात आली असून त्या कामाची एकनाथ शिंदे यांनी आज पाहणी केली. यावेळी रायगड जिल्ह्याच्या पालकमंत्री आदिती तटकरे, ठाणे शहराचे प्रथम नागरिक महापौर नरेश गणपत म्हस्के, आमदार भरतशेठ गोगावले, महाडच्या नगराध्यक्षा स्नेहल जगताप, ठाणे महानगरपालिकेचे अतिरिक्त आयुक्त संदीप माळवी, उप आयुक्त अशोक बुरपल्ले आदी उपस्थित होते.
नगरविकास मंत्री एकनाथ शिंदे यांच्या सुचनेनुसार आणि महापौर नरेश गणपत म्हस्के, महापालिका आयुक्त डॅा. विपिन शर्मा यांच्या पुढाकाराने ठाणे महानगरपालिकेचे विशेष पथक चवदार तळ्याच्या स्वच्छतेसाठी कार्यरत आहे.
पूरपरिस्थितीमधून महाड शहराला सावरण्यासाठी नगरविकास मंत्री एकनाथ शिंदे स्वत: महाडमध्ये ठाण मांडून बसले होते. एकनाथ शिंदे यांच्या आदेशानंतर महापौर नरेश गणपत म्हस्के आणि महापालिका आयुक्त डॅा. विपिन शर्मा यांच्या मार्गदर्शनाखाली ठाणे महानगरपालिकेचे २०० जणांचे विशेष पथक अत्यावश्यक मशिन्ससह दोन आठवडे शहरातील स्वच्छतेसाठी कार्यरत होते. २२ जुलै रोजी आलेल्या महापुरात चवदार तळे परिसरात मोठ्या प्रमाणात पुराचे पाणी साचले होते. चवदार तळे तसेच बाजूच्या परिसरात पुराच्या पाण्याबरोबर मोठ्या प्रमाणात चिखल साचल्याने यापूर्वी देखील पथकांमार्फत तेथील स्वच्छता करण्यात आलेली आहे.
सद्य:स्थितीत चवदार तळ्यामध्ये गाळ आणि चिखल साचला असून तो गाळ आणि चिखल पूर्णपणे काढणे आवश्यक आहे. भारतरत्न डॉ. बाबासाहेब आंबेडकर यांनी सामाजिक समतेचा लढा ज्या चवदारतळ्यावरून सुरु केला ते चवदार तळे तमाम आंबेडकरी अनुयायांसाठी एक श्रद्धास्थान आहे. त्यामुळे हा परिसर तात्काळ स्वच्छ करण्यासाठी राज्याचे नगरविकास मंत्री तथा ठाणे जिल्ह्याचे पालकमंत्री एकनाथ शिंदे यांनी तिथे धाव घेवून ह्या क्षेत्राचे पावित्र्य राखण्यासाठी जे जे करता येईल ते करण्याची ग्वाही दिली. एकनाथ शिंदे यांनी दिलेल्या सूचनेनुसार महापौर नरेश गणपत म्हस्के आणि महापालिका आयुक्त डॉ. विपिन शर्मा यांच्या पुढाकाराने ठाणे महानगरपालिकेचे विशेष पथक या ठिकाणी तैनात करण्यात आले आहे.
या ऐतिहासिक चवदार तळ्यातील चिखल, गाळ काढणे, पाण्याची स्वच्छता तसेच औषध फवारणी करण्याचे काम आज महापालिकेच्या पथकांमार्फत सुरू करण्यात आले आहे. यासाठी विविध मशिन्ससह महापालिकेचे मनुष्यबळ कार्यरत आहे.
महाड परिसरात पुरपरिस्थितीमुळे निर्माण झालेल्या नैसर्गिक आपत्तीमध्ये मदतकार्यासाठी ठाणे महानगरपालिकेच्या पथकांमार्फत यापूर्वीच जोरदार स्वच्छता मोहीम करण्यात आलेली आहे. महाड शहर स्वच्छ करण्यात ठाणे महापालिकेने मोलाची कामगिरी बजावली आहे. सद्यस्थितीत चवदार तळ्याच्या स्वच्छतेसाठी देखील विशेष मोहीम राबविली जात असल्याने ठाणे महापालिकेच्या या संपूर्ण कामाचे महाडवासीं, विविध संस्था, संघटना तसेच आंबेडकरी जनतेने ना. एकनाथ शिंदे, महापौर नरेश गणपत म्हस्के, महापालिका आयुक्त डॅा. विपिन शर्मा आणि ठाणे महानगरपालिकेचे भरभरून कौतुक करत प्रशासनाचे आभार मानले.
- जळगावात तरुणीची अत्याचार करून हत्या
- तिहेरी हत्याकांडाने हादरला रायगड जिल्हा…एकाच कुटुंबातील तिघांची निर्घृण हत्या
7 महिन्याच्या गर्भवती महिलेच्या हत्येने हुतात्म्यांची भूमी सुन्न.. - महाराष्ट्र राज्य जुनी पेन्शन संघटना ठाणे महापालिका जिल्हा कार्यकारिणी स्थापन
राज्य कोषाध्यक्ष श्री अरुण बडे आणि ठाणे जिल्ह्या अध्यक्ष अरुण कराळे यांच्या निरीक्षणात पार पडली सभा - मिरा भाईंदर महानगरपालिका क्षेत्रातील सी.सी टीव्हीसाठीचे मध्यवर्ती शाळा नियंत्रण कक्षाचे दूरदूरश्यप्रणालीद्वारे मुख्यमंत्री एकनाथ शिंदे यांच्या हस्ते लोकार्पण संपन्न
*मिरा-भाईंदर महानगरपालिकेचे अनुकरण इतर महानगरपालिकांनीही करावे – मुख्यमंत्री - कार्यसम्राट दमदार आमदार महेंद्रशेठ थोरवे ६०००० च्या मताधिक्याने विधानसभेवर जाणार…पालकमंत्री उदयजी सामंत यांचे प्रतिपादन .
महाआघाडी सह मनसेलाही खिंडार…आमदार थोरवेंचा जलवा कायम .