| जालना | अवैध वाळू उपसाबाबत वृत्त प्रसिद्ध केल्यामुळे वाळूमाफियांनी जाफराबाद येथील दै. पुढारीचे पत्रकार ज्ञानेश्वर पाबळे यांच्यावर भ्याड हल्ला केला. या हल्ल्याचा जाहिर निषेध करत हल्लेखोर वाळूमाफियांवर पत्रकार हल्ला विरोधी कायद्याद्वारे कठाेर कारवाई करण्याची मागणी अखिल भारतीय मंठा तालुका मराठी पत्रकार संघाच्या वतीने [ता.१४] सोमवार रोजी तहसील कार्यालय व पोलीस ठाण्यात निवेदनाद्वारे केली आहे. यावेळी तहसीलदार सुमन मोरे व पोलीस निरीक्षक यशवंत बागुल यांनी निवेदन स्विकारले.
जाफ्राबाद येथील पत्रकार पाबळे यांनी अवैध वाळू उपसा याविषयी लिखाण केल्यामुळे वाळू माफियांनी पाबळे यांच्यावर हल्ला करुन जीवे मारण्याचा प्रयत्न केला. यात पाबळे गंभीर जखमी झाले असल्याने त्यांच्यावर औरंगाबाद येथील रूग्णालयात उपचार सुरु आहेत. या घटनेचा निषेध करून दोषींवर कठोर कारवाई यावी, असे निवेदनात नमुद केले आहे. यावेळी दिनेश जोशी,नागेश कुलकर्णी, कृष्णा भावसार, प्रदीप देशमुख,राजेभाऊ भुतेकर, बाबुजी तिवारी, रणजित बोराडे, हाफेज शबाब बागवान, अतुल खरात यांची उपस्थिती होती.
- सलमान खानच्या घरावर 40 गोळ्या झाडण्याचे आदेश होते, आरोपींचा धक्कादायक खुलासा
- लोकसभा निवडणुकीत मतदानात होतेय हेराफेरी ? जाणून घ्या व्हायरल व्हिडिओचं सत्य
- कंपनी असावी तर अशी… IT कंपनीने बाजारपेठेत उडवली खळबळ, लाभांशाची करणार लयलूट
- मुख्यमंत्री शिंदेंकडून ‘लाव रे तो व्हिडिओ’, उद्धव ठाकरेंची जुनी क्लिप दाखवत बोचरी टीका
- वसुली करणाऱ्यांना वसुली सोडून तसेही दुसरे काही सुचते असे नाहीच.
