महाराष्ट्र राज्य खाजगी शिक्षक संघटनेच्या प्रदेश महिला अध्यक्षा पदी मिता तांबे यांची निवड..!

| मुंबई | महाराष्ट्र राज्य खाजगी शिक्षक संघटनेच्या मुंबई प्रदेश महिला अध्यक्षा पदी कवयित्री, लेखिका मिता तांबे यांची राज्यध्यक्ष मनिष गावंडे यांच्या मार्गदर्शनाखाली मुंबई विभागातील शिक्षकांच्या न्याय हक्कासाठी व सन्मानासाठी नियुक्ती करण्यात आली. मिता तांबे ह्या विद्यार्थी, पालक, मुख्याध्यापक, शिक्षक शिक्षकेतर कर्मचारी यांना भेडसावणाऱ्या समस्या निकाली काढण्यासाठी सदैव तत्पर असल्याचे ज्ञानदेव हांडे यांनी सांगितले. महिला शिक्षिकांना एकत्र करून संघटनेची ताकद वाढून महिला शिक्षकांना न्याय मिळवून देण्यासाठी कटिबद्ध असल्याची ग्वाही यावेळी मिता तांबे यांनी निवडीनंतर दिली.

या सार्थ निवडीबद्दल समाधान व्यक्त करत राज्य सहसचिव भानुदास शिंदे यांनी पुष्पगुच्छ देऊन पुढील कार्यास शुभेच्छा दिल्या. मुंबई सचिव दत्तात्रय शेंडकर व मुंबई सहसचिव अनिल चिकणे यांनी नियुक्तीपत्र प्रदान करत अभिनंदन केले. तांबे यांनी सर्व पदाधिकार्‍यांचा गुरुपौर्णिमेनिमित्त शाल, श्रीफळ, गुलाबपुष्प देवून सन्मान केले

Leave a Reply

Your email address will not be published.