सचिन लोंढे-पाटील राष्ट्रवादीच्या जिल्हा उपाध्यक्षपदी..

| महेश देशमुख (माढा) | पिंपळनेर ता.माढा येथील सचिन ज्ञानदेव लोंढे-पाटील यांची राष्ट्रवादी काँग्रेसच्या जिल्हा उपाध्यक्षपदी निवड करण्यात आली आहे. सचिन लोंढे यांनी यापुर्वी राष्ट्रवादी विद्यार्थी काँग्रेसचे माढा तालुकाध्यक्ष,राष्ट्रवादी युवक काँग्रेसचे जिल्हा संघटक व उपाध्यक्ष या पदावर काम करीत मागील १५ वर्षे पक्षसंघटना वाढविण्यासाठी प्रयत्न केले आहेत. याची दखल घेत त्यांची राष्ट्रवादी काँग्रेसच्या जिल्हा उपाध्यक्षपदी निवड करण्यात आली आहे.

याबबतचे पत्र माढा विधानसभा मतदारसंघाचे आमदार बबनदादा शिंदे व जिल्हाध्यक्ष बळीराम काका साठे यांच्या हस्ते त्यांना देण्यात आले. याप्रसंगी पिंपळनेरचे माजी सरपंच प्रतिनिधी दत्तात्रय खंडाळे, उपसरपंच प्रतिनिधी विजयकुमार लोंढे, नागेश जाधव, विठ्ठल महाडिक, गणेश लोंढे, उमेश साडेकर, रणजित कांबळे  सुशिल वाघमारे, भीमराव लोंढे उपस्थित होते. निवडीबद्दल आ.संजयमामा शिंदे, पंचायत समितीचे सभापती विक्रमसिंह शिंदे, जि.प.सदस्य रणजितसिंह शिंदे, पंचायत समिती सदस्य धनराज शिंदे, विठ्ठल कार्पोरेशनचे कार्यकारी संचालक यशवंत शिंदे यांनी लोंढे यांचे अभिनंदन केले. राष्ट्रवादीच्या निष्ठावंत कार्यकर्त्यांला जिल्हा उपाध्यक्षपदी संधी दिल्याबद्दल लोंढे यांचे सर्व स्तरातून कौतुक होत आहे. 

Leave a Reply

Your email address will not be published.