| नवी दिल्ली | येत्या २२ जुलै रोजी राज्यसभेत नवनिर्वाचिक राज्यसभा खासदारांच्या शपथविधी सोहळा होणार आहे. राज्यसभेच्या चेंबरमध्ये होणा-या या शपथविधी सोहळण्यासाठी ६१ सदस्यांना पत्र पाठवण्यात आले आहे. कोरोना व्हायरसचे संक्रमण लक्षात घेऊन, या कार्यक्रमादरम्यान योग्य ती खबरदारी घेण्यात येईल.
सूत्रांनी सांगितल्यानुसार, कोरोनाच्या पार्श्वभूमीवर सोशल डिस्टंसिंगचे पालन करता यावे, यासाठी पहिल्यांदाच शपथविधी सोहळा सभागृहाच्या चेंबरमध्ये इंटर-सेशन पीरियडदरम्यान पार पडेल. नुकत्याच झालेल्या निवडणुकीत २० राज्यातील ६१ सदस्य राज्यसभेवर निवडून गेले होते.
या निवडणुकीत मध्यप्रदेशातून भाजपचे ज्योतिरादित्य शिंदे आणि काँग्रेसचे दिग्विजय सिंह विजयी झाले. हे दोन्ही नेते, २०१९ च्या लोकसभा निवडणुकीत पराभूत झाले होते. तसेच, काँग्रेसचे संघटना महासचिव केसी वेणुगोपाल राजस्थानमधून विजयी झाले होते. राज्यसभेच्या १९ जागांसाठी १९ जूनला झालेल्या निवडणूकीत भाजपला ८ आणि काँग्रेसला ४ जागांवर विजय मिळाला होता. मागच्या वेळेस या १९ जागांपेकी भाजपला ९ आणि काँग्रेसला ६ जागा मिळाल्या होत्या. म्हणजे, यावेळी भाजपला १ आणि काँग्रेसला २ जागांवर पराभवाचा सामना करावा लागला.
- सलमान खानच्या घरावर 40 गोळ्या झाडण्याचे आदेश होते, आरोपींचा धक्कादायक खुलासा
- लोकसभा निवडणुकीत मतदानात होतेय हेराफेरी ? जाणून घ्या व्हायरल व्हिडिओचं सत्य
- कंपनी असावी तर अशी… IT कंपनीने बाजारपेठेत उडवली खळबळ, लाभांशाची करणार लयलूट
- मुख्यमंत्री शिंदेंकडून ‘लाव रे तो व्हिडिओ’, उद्धव ठाकरेंची जुनी क्लिप दाखवत बोचरी टीका
- वसुली करणाऱ्यांना वसुली सोडून तसेही दुसरे काही सुचते असे नाहीच.
