| मुंबई | नुकताच ०४ जून २०२० रोजी शासनाचे मुख्य सचिव श्री. अजोय मेहता यांनी पत्र काढून ई कंटेंट, उत्तरपत्रिका तपासणी, निकाल लावण्यासाठी शिक्षकांना शाळा – कनिष्ठ महाविद्यालयात बोलाविण्याचे अधिकार सर्व मुख्याध्यापकांना दिले होते. एकीकडे प्रायव्हेट कार्यालयात १० टक्केच कर्मचाऱ्यांना बोलावण्याची परवानगी देण्यात आली असून राज्य शासकीय कर्मचाऱ्यांना घरातून व्हॉट्स अप आणि ईमेल चा वापर करून शासकीय कामकाज करण्याचे निर्देश शासनाने दिले आहे. मग शिक्षकांनी का म्हणून शाळेत जाऊन काम करावे, तेही विद्यार्थी नसताना? ४ जून २०२० चा निर्णय जाहीर होताच सर्वच शिक्षकांनी शाळा व कनिष्ठ महाविद्यालयात यावे असा वटहुकूम मुख्याध्यापकांनी जाहीर केला असल्याची माहिती मुंबई कार्याध्यक्ष आणि कनिष्ठ महाविद्यालय विभाग प्रमुख श्री.सतीश ठाकरे यांनी दिली आहे, त्याऐवजी शिक्षकांना इतरांप्रमाणे घरी राहूनच काम करण्याबाबत परवानगी मिळावी यासाठी संघटनेने निवेदन दिले असल्याचे देखील त्यांनी सांगितले.
संबंधित परिपत्रकाचा ज्याला जसा योग्य वाटेल तसा अर्थ लावला जात आहे. मुळात ज्यांच्या १०वीच्या उत्तरपत्रिका अजून ताब्यात घेतल्या नसतील त्यांनी शाळा कनिष्ठ महाविद्यालयात जाऊन ते ताब्यात घेऊन घरून ही तपासणी होऊ शकते. जवळपास सर्व शिक्षकांच्या इयत्ता १०वी उत्तरपत्रिका तपासणीचे काम झाले आहे. इयत्ता ९वी चा निकाल आणि ई कंटेंट सुद्धा घरूनच तयार करता येऊ शकतो, मग शाळेत – कनिष्ठ महाविद्यालयात येण्याचा अट्टाहास कशापायी? या निर्णयाला महाराष्ट्र पुरोगामी शिक्षक संघटना मुंबई चा तीव्र विरोध असून हा निर्णय रद्द करण्यासाठी संघटना सर्वोतपरी प्रयत्न करणार असल्याचे महिला संघटक सौ.सेजल हीवाळकर मॅडम यांनी सांगितले.तात्काळ हा निर्णय मागे घेऊन शाळा तसेच कनिष्ठ महाविद्यालय पूर्ववत सुरू होईपर्यंत शिक्षकांना न बोलविता वर्क फ्रॉम होम करण्याची परवानगी मिळावी, यासाठी मा.मुख्यमंत्री, मा.मुख्य सचिव श्री.अजोय मेहता, मा.शिक्षण मंत्री आदींना निवेदन देण्यात आले आहे. मागणी पूर्ण होईपर्यंत आपला पाठपुरावा सुरूच राहणार असल्याचे मुंबई अध्यक्ष श्री.तानाजी कांबळे यांनी यावेळी सांगितले.
- आता महाराष्ट्र सरकार विरोधात शासकीय कर्मचाऱ्यांचा एल्गार, २२ नोव्हेंबर पासून जुन्या पेन्शन योजनेसाठी महाराष्ट्रभर होणार संघर्ष यात्रा..!
- चांगले काम करणाऱ्यांचा सत्कार केल्याने आणखी काम करण्याची उर्जा मिळते- आ.संजयमामा शिंदे ; राज्याध्यक्ष पदी निवड झाल्याबद्दल ग्रामविकास अधिकारी तात्यासाहेब पाटील यांचा सत्कार..
- नक्षलवाद्यांच्या धमक्या झुगारून एकनाथ शिंदे गडचिरोलीत; दुर्गम भागात पोलिस जवानांसोबत साजरी केली दिवाळी..
- राज्य सरकारी कर्मचारी, जिल्हा परिषद कर्मचारी शिक्षक शिक्षकेतर कर्मचाऱ्यांचा राज्यव्यापी राष्ट्रीय पेन्शन योजना NPS हटाव दिन यशस्वी – अविनाश दौंड
- राज्य शासनाचा कारभार होणार ठप्प, जुन्या पेन्शन साठी शुक्रवारी राज्यातील १२ लक्ष सरकारी कर्मचारी करणार एक तास ठिय्या आंदोलन : अविनाश दौंड
