| भिगवण/ महादेव बंडगर | छत्रपती साखर कारखान्याचे संचालक तथा कृषी उत्पन्न बाजार समिती इंदापूरचे संचालक अनिल बागल यांच्यावर आज (दि.१मे) पिंपळे (ता. इंदापूर) येथे प्राणघातक हल्ला करण्यात आला. या हल्ल्यामध्ये बागल यांना गंभीर दुखापत झाली असून त्यांची बोटे तुटलेली आहेत. आज दुपारी अनिल बागल आपल्या सहकाऱ्यांसमवेत भिगवन-बारामती रोडवरील काम चालू असलेल्या स्वमालकीच्या पेट्रोल पंपावर सहकाऱ्यांसोबत चर्चा करत बसले होते.त्या ठिकाणी अचानक तीन हल्लेखोर आले आणि त्यांनी बागल यांच्यावर कोयत्याने हल्ला केला. हल्ला चुकविण्याच्या प्रयत्नात त्यांची हाताची बोटे तुटलेली आहेत. बागल यांना या हल्ल्यात गंभीर दुखापत झाली असून त्यांना पुढील उपचारासाठी पुणे येथे हलवण्यात आले आहे.
घटनेची माहिती मिळताच भिगवण पोलीस स्टेशनचे सहायक पोलिस निरीक्षक जीवन माने यांनी सहकाऱ्यांसह तातडीने घटनास्थळी धाव घेतली. घटनास्थळी बारामतीचे उपविभागीय पोलिस अधिकारी नारायण शिरगावकर यांनीही भेट दिली. हल्लेखोर फरार झाले आहेत. हा हल्ला पूर्ववैमनस्यातून झाला असावा असा अंदाज व्यक्त करण्यात येत आहे. यापूर्वीही अनिल बागल यांच्यावर हल्ला करण्यात आला होता. त्यावेळीही त्यांना गंभीर दुखापत झाली होती. भिगवण पोलीस पुढील तपास करीत आहेत.
- आधी संपलेला पक्ष अशी टीका, आता युतीसाठी विनवण्या – एकनाथ शिंदे
एकनाथ शिंदे यांची उद्धव ठाकरेंवर बोचरी टीका - जळगावात तरुणीची अत्याचार करून हत्या
- तिहेरी हत्याकांडाने हादरला रायगड जिल्हा…एकाच कुटुंबातील तिघांची निर्घृण हत्या
7 महिन्याच्या गर्भवती महिलेच्या हत्येने हुतात्म्यांची भूमी सुन्न.. - महाराष्ट्र राज्य जुनी पेन्शन संघटना ठाणे महापालिका जिल्हा कार्यकारिणी स्थापन
राज्य कोषाध्यक्ष श्री अरुण बडे आणि ठाणे जिल्ह्या अध्यक्ष अरुण कराळे यांच्या निरीक्षणात पार पडली सभा - मिरा भाईंदर महानगरपालिका क्षेत्रातील सी.सी टीव्हीसाठीचे मध्यवर्ती शाळा नियंत्रण कक्षाचे दूरदूरश्यप्रणालीद्वारे मुख्यमंत्री एकनाथ शिंदे यांच्या हस्ते लोकार्पण संपन्न
*मिरा-भाईंदर महानगरपालिकेचे अनुकरण इतर महानगरपालिकांनीही करावे – मुख्यमंत्री