| नाशिक | नाशिकचे जिल्हा पोलीस अधीक्षक सचिन पाटील यांची होणारी बदली न्यायालयाने रोखली आहे. सचिन पाटील यांनी शेतकऱ्यांना फसवणाऱ्या व्यापाऱ्यांविरोधात मोहीम सुरु केली होती.
मात्र त्यांची बदलीच्या सुचना देण्यात आली होती. यानंतर शेतकरी सचिन पाटील यांच्या पाठीशी असल्याचं दिसतं आहे.
सचिन पाटील यांच्या जागी शहाजी उमाप पोलीस अधिक्षक पदाचा कारभार स्वीकरणार होते. पाटील यांची राज्याच्या गुप्तवार्ता विभागात उपायुक्तपदी बदली झाली होती. मात्र न्यायालयाने त्याआधीच त्यांच्या बदलीला स्थगिती दिली आहे. राज्यातील 32 अधिकाऱ्यांच्या बदल्या होणार होत्या. यात सचिन पाटलांचा देखील समावेश होता.
गणेश विसर्जन झाल्यानंतर या अधिकाऱ्यांना सोडण्यात येणार होतं. मात्र कार्यकाळ पुर्ण न झाल्यानं केवळ आमदाराच्या पत्रावर बदली करण्याचा निर्णय न्यायालयाने फटकारलं आहे. त्यानंतर सचिन पाटलांची बदली स्थगित झाली आहे.
दरम्यान, सचिन पाटलांनी राबवलेल्या मोहीममुळे त्यांना शेतकऱ्यांचा मोठ्या प्रमाणात पाठिंबा आहे. अशातच सचिन पाटील यांची बदली स्थगित करण्यात आल्याने पत्र लिहिणारे आमदार नक्की कोण? याकडे सर्वांची उत्सुकता लागली आहे.
- सलमान खानच्या घरावर 40 गोळ्या झाडण्याचे आदेश होते, आरोपींचा धक्कादायक खुलासा
- लोकसभा निवडणुकीत मतदानात होतेय हेराफेरी ? जाणून घ्या व्हायरल व्हिडिओचं सत्य
- कंपनी असावी तर अशी… IT कंपनीने बाजारपेठेत उडवली खळबळ, लाभांशाची करणार लयलूट
- मुख्यमंत्री शिंदेंकडून ‘लाव रे तो व्हिडिओ’, उद्धव ठाकरेंची जुनी क्लिप दाखवत बोचरी टीका
- वसुली करणाऱ्यांना वसुली सोडून तसेही दुसरे काही सुचते असे नाहीच.
