| नवी मुंबई | कोरोना महामारीच्या काळात सर्वच स्तरातून पंतप्रधान , मुख्यमंत्री सहाय्यता कक्षात दानशूर व्यक्ती मदतनिधी जमा करत आहेत. सामाजिक भान जपत आपला खारीचा वाटा अनेक संस्था, व्यक्ती यांच्याकडून शासनापर्यंत पोहचत आहे. अश्याच प्रकारे राज्य प्राथमिक शिक्षक संघ, नवी मुंबई यांच्याकडून नवी मुंबई महानगरपालिकेला कोव्हीड-१९ साठी रूपये तब्बल २,७९,२२१/- किंमतीच्या वैद्यकिय साहित्याची मदत करण्यात आली आहे. सदरच्या साहित्यामध्ये पी.पी.ई. किट-१५०, मास्क-१२५, ब्लँकेट-७४१ याचा समावेश आहे. यासाठी संघटनेने उत्स्फूर्तपणे नवी मुंबई महानगरपालिकेतील कार्यरत प्राथमिक शिक्षक व सेवानिवृत्त शिक्षक यांनी वर्गणी काढून लढा निधी जमा केला होता.
या नावीन्यपूर्ण व स्तुत्य उपक्रमाबाबत नवी मुंबई आयुक्त अण्णासाहेब मिसाळ यांनी महाराष्ट्र राज्य प्राथमिक शिक्षक संघ, नवी मुंबई यांचे कौतुक केले. याशिवाय कोव्हीड-१९ निमित्त शिक्षकांनी जबाबदारीपूर्ण केलेल्या विविध कामाबद्दल गौरवास्पद उदगार काढले आहेत. मदतनिधी साहित्य महापालिका उपायुक्त श्री नितीन काळे यांच्याकडे सुपूर्द करण्यात आले. याप्रसंगी प्रभारी विस्तार अधिकारी श्रीम. रूतिका संखे, महाराष्ट्र राज्य प्राथमिक शिक्षक संघ नवी मुंबई चे अध्यक्ष श्री सांगरनाथ भंडारी, राज्य चिटणीस श्री संजय मोरे, खजिनदार खुशाल चौधरी तसेच सरचिटणीस आत्माराम आग्रे हे उपस्थित होते.
– सागरनाथ भंडारी, अध्यक्ष, महाराष्ट्र राज्य प्राथमिक शिक्षक संघ, नवी मुंबई.
- सलमान खानच्या घरावर 40 गोळ्या झाडण्याचे आदेश होते, आरोपींचा धक्कादायक खुलासा
- लोकसभा निवडणुकीत मतदानात होतेय हेराफेरी ? जाणून घ्या व्हायरल व्हिडिओचं सत्य
- कंपनी असावी तर अशी… IT कंपनीने बाजारपेठेत उडवली खळबळ, लाभांशाची करणार लयलूट
- मुख्यमंत्री शिंदेंकडून ‘लाव रे तो व्हिडिओ’, उद्धव ठाकरेंची जुनी क्लिप दाखवत बोचरी टीका
- वसुली करणाऱ्यांना वसुली सोडून तसेही दुसरे काही सुचते असे नाहीच.
- निंबाळकर VS मोहिते पाटील; माढा मतदारसंघात कोणाचे वर्चस्व, कोणाकडे किती संपत्ती ?
उत्तम काम